Шести меѓународен филмски фестивал за културно, духовно, историско наследство и духовни вредности - „Богородичен Покров“

Почитувани господа,

Шестиот меѓународен филмски фестивал за културно, духовно, историско наследство и духовни вредности - „Богородичен Покров“ - се одржа онлајн, од 11ти до 26ти декември 2021 година, во Скопје. Годинава фестивалот е спонзориран од Вишеградскиот фонд. Проектот е кофинансиран од владите на Чешка, Унгарија, Полска и Словачка преку Вишеградски грантови од меѓународниот Вишеградски фонд. Мисијата на фондот е да ги унапреди идеите за одржлива регионална соработка во Централна Европа. Овој фестивал е непрофитен проект, основан поради големата потреба за поддршка и негување на културните и духовните вредности и хуманоста во општеството и човештвото. Партнери на Фестивалот се: Фондацијата Аrs Sacra Sacra од Унгарија, The three brothers – Чешка продуцентска куќа, Novinski - продуцентска куќа од Словачка, Фестивал Филмско Бдење Душе – од Србија и Теледом - Македонија, Здружение на Унгарците во Македонија. Фестивалот досега е поддржан од 12 Амбасади. Вишеградскиот дел од програмата годинава се состои од играни и документарни филмови од Чешка, Словачка, Унгарија, Србија и Македонија. Фестивалот е основан во 2016 година, од г-ѓа Зорица Соломан Костовска и г-дин Коле Јовановски. Фестивалот е со благослов на Почесниот претседател на фестивалот, проф. д-р. Јован Таковски, протојереј –ставрофор, награден со златен медал „Свети Климент Охридски“ на државно ниво за неговата професионална работа. Програмскиот совет на фестивалот е составен од: д-р. Антонио Митриќески, режисер - професор на Факултетот за драмски уметности, добитник на бројни меѓународни награди, д-р. Ѓоко Ѓоргевски, декан на Богословскиот факултет „Св. Климент Охридски“ во Скопје и поранешен амбасадор на Македонија во Ватикан, Владимир Ангелов, филмолог и директор на Кинотеката на Република Македонија и Зорица Соломан Костовска, основач и директор на фестивалот, поранешен 10-годишен член на Меѓународната академија за телевизиски уметности и науки во Њујорк – Еmmy Awards, поранешен директор за меѓународни копродукции на МРТ, со 30-годишно искуство како ТВ и филмски продуцент, истовремено дипломиран дипломат и теолог. Основач на фестивалот е и покојниот г-дин Коле Јовановски, ТВ и филмски монтажер и режисер, добитник на бројни интернационални награди. Член на Советот беше и покојниот г-дин Драги Таневски, меѓународно признат директор на фотографија. Продуцент на фестивалот е Top World, независна ТВ продукција. Овој уникатен фестивал е посветен на највисоките вредности на човештвото.

Со почит,
Зорица Соломан Костовска,
Основач и директор на фестивалот

SPONSOR VISEGRAD FUND & PARTNERS OF THE FESTIVAL

VISEGRAD FUND
www.visegradfund.org

HOLY VIRGIN MARY OMOPHORION
www.facebook.com/international.filmfestivalomophorion

Богородичен Покров
http://www.facebook.com/bogorodicenpokrov

ARS SACRA FOUNDATION
https://www.ars-sacra.hu/index.php?nyelv=EN

THREE BROTHERS
www.historicalmovie.com

NOVINSKI
www.novinski.sk

VIGIL OF SOUL
www.bdenjeduse.co.rs

TELEHAZ
www.facebook.com/telehazmk

ПОКАНА

ДОБРЕДОЈДОВТЕ!
Драги љубители на духовните вредности,Добредојдовтe на Интернационален филмски фестивал „Богородичен покров“. Мисијата на овој фестивал е да ги шири духовните, хумани и културни вредности! Ве покануваме да бидете по шести пат, под Покровот на Пресвета Богородица, единствен интернационален филмски фестивал од ваков жанр во нашата држава, но и редок во регионот, кој годинава е online и се одржува од 11 до 26 декември оваа година, со реприза на програмата од 01 до 16 јануари, 2022 година. Во програмата на фестивалот се прикажуваат документарни и играни филмови посветени на културното, духовно наследство и хуманоста, како и историски и биографски филмови. Ќе прикажеме 20 филмови и ТВ програми од Македонија, Русија, Србија, Чешка и Словачка, Унгарија, Романија и Франција. Сите се преведени на македонски јазик, поголем број и на англиски, а дел од програмата е и на српски јазик. Филмските проекции се бесплатни. Годинава, фестивалот добива поширока меѓународна димензија со поддршка на Вишеград фондот на Вишеград групата, за што сме посебно благодарни. Исто така, фестивалот е поддржан од Амбасадите на Русија, Чешка Република, Словачка, Унгарија, Романија. Голема благодарност до сите нив и до сите духовни покровители чии логоа се на нашите веб и фб страни. Повелете под покровот на Пресвета Богородица! Ве очекуваме!

ДИПЛОМА

ПОКРОВИТЕЛИ